السلام عليكم ورحمة الله وبركاته.
مساكم الله بالخير
تقديراً لكم وللشاعر القدير سلطان العطاوي اضع هذه البويتات هنا
واتمنى ان تسمو لذائقتكم.
وهي من إرشيفي القديم
ودي بفنجالاً يداو المعاليل = من كف شغمومن على الطيب ضاري
يا حسين شب النار هات المعاميل = هات الدلال وهات معهن غواري
والنجر والمحماس والبن والهيل = وأنته مقر الجود ذيب الغداري
ومع فوحت الدله تطيب التعاليل = وأعلمك بالي على القلب طاري
أذوق من دنياك مرّ وبهاذيل = وأدسها وأكنى لو الخلق داري
دنياً تعند للرجال المشاكيل = أصعب علاهم من رصاص السواري
أقفى زمان الغانمين الحلاحيل = راحوا وترثتهم رسوم ومواري
ربعن لهم عاده على قرح الخيل = يردون حوض الموت ورد الخباري
عدوهم يسهر ودمعه هماليل = والصبح يبكى من فعول الشباري
معاد فيها ياولد روق تعديل = ولانيب فيها لابايع وشاري
من عقب ما بدل بها الراس بالذيل = ثم صارت البومه تهوم الحباري
واعتذركم نبا ننقطع للآختبارات الجامعية ولنا عودة بإذن الله تليق بكم.
غير متواجد حالياً
ودي بفنجالاً يداو المعاليل.
متواجد حالياً
..
العرض المتطور
