اليمنى البخيله !!

الله انه يلعن اليمنى البخيله=لاتمد ولا تعين ولا تعاون
تستلذ المال كسابة فشيله= في مواجيب الرجال الها تهاون
والشحيح نشوم وندور بديله= والله انه مايجي جنبي معاون
علموه يروح ويدوّر مثيله= كلّ نفسين ٍ على مله تخاون
خوتي مع كل طيّب ينعنيله= وقفته تبري كبود ٍ ماتداون
اجنبي ٍ كان والا من القبيله= دام فعله عقبه جروحي تشاون
والمخاوا يارذيله يافضيله= والطباع اضداد مايوم ٍ تساون
احد ٍ ان طريت مطريلك رذيله= والرجال وجيهها لاسمه تلاون
واحد ٍ ان طريت لا النعم بحصيله= رجل خير ودايم يعين ويعاون
لا طلع مطلعه في عالي طويله= مابها غير الذياب اللي تعاون