السهر طال ...!

**محمد حمود العضياني** · كُتب : [ 02-02-10 - 10:38 PM ]

ياعين طار النوم عقب السهر طال= وان طال نومتس ياحياة الندامه
ماتستلذين الكرى حوف الاهوال= واللي سواتي ما اهتنى في منامه
اراجع اللي فات لي سبعة ليال= وعيّت على وجهي تبين ابتسامه
تغثنّي ياحظ وتضيّق البال= وآقف وانا محمد عدو الرخامه
وان كان ماسريت ياحظي الحال= ترى الوعد ياحظ يوم القيامه
ماني من الغاوين عبادّة المال= اللي يخلطونه حلال وحرامه
أخذت فالدنيا تجاريب وامثال= حفظتها حفظ العرب للكرامه
ومغلّق سموعي عن القيل والقال= والمحترم يفرض عليّ احترامه
وتشوم نفسي عن مخالطة الانذال= اللي بعضهم مايثمن كلامه
لا سولفو واليا سوالفهم اهزال= عن كل هرج ٍ زين فيهم طرامه
اصد عنهم وابتعد عنهم بحال= وبعادهم عني غناه وسلامه
لو المراجل بشت وشماغ وعقال= تمرجل اللي ماتشيله عظامه
قلته وانا اللي للثقيلات شيّال = ماقط لحقني من خويي ملامه
وان ماوقفت بلازمي وقفة رجال= تحرم عليّه لبستي للعمامه

**اْلَلوٌلوُصَالِحْ** · غير متواجد حالياً

صح كلك .. محمدْ.
ودام نبضك..

وسلمت يمينكـ من كل شر..

لا عدمنا العضياني..

**الراقية** · غير متواجد حالياً

كفو كفو يامحمد

وصح لسانك يالنشمي

تحيتي لك

**سلطان العطاوي** · غير متواجد حالياً

جعلني ما بكيك ولا ابكي شعرك

محمد
قلت لك
الدنيا بخير

**محمد حمود العضياني** · غير متواجد حالياً

اللولو صالح ..

قصدي زمرده ... صح بدنك وشاكر لمرورك وتواجدك ياسيدة المكان ..

ومبروك الاسم الثالث

..

**بندر العصيمي** · متواجد حالياً

الله الله
صح لساانكـ وفكرك
قصيدهـ رائعه لله درك
تقبل تحيآآآآآتي//

**جزاء الشمري** · غير متواجد حالياً

ابو حمود
صح لسانك يالغالي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

السهر طال ...!

|| القافيــة الأولى ~