قبل اي موقع آخر وعرفانا لهذا الصرح الاجمل اضعها بين ايديكم ... :
ياغايب ابطيت ماندري وش النيّه= والنوم عقبك سرى ما زاور اهدابي
مدري الظروف اْسمحت عن طاري الجيّه= والا بلا اسباب غايب يا آخر احبابي
حيّرتني معك وعروقي هواويّه= والشوق ياجاهِلِه وشلون سوّابي
حطيتلك في حشايه جمرة ٍ حيّه= منها الضلوع اكتوت واحترقت اعصابي
من حرّها بيّن ٍ تاثيرها فيّه= خلّتني آضيق واتضايق من ثيابي
لا نامت العالم عيوني شقاويّه= ما تستلذ الكرى والنوم باسبابي
عوّدتها شوف حسن ٍ ماخِلِق زيّه= ليت الوليّ خالق ٍ مثله من اقرابي
يا غايب أمّلت فيك احلام ورديّه= ضيّعتها في وجيه اعداي واصحابي
ليت الليالي تدور وترجعك ليّه= والا على ديرتك تاخذني ركابي
ياللي لك بقلبي الملتاع ماريّه= متى الليالي توقّف بك على بابي
مادام ودك وقفة ٍ تشرح البال=خذني وانا محمد عدو الرخامه
وان ماوقفت بلازمي وقفة رجال=تحرم عليّه لبستي للعمامه
غير متواجد حالياً
آخر احبابي ..!
... :
العرض العادي
