صخرتني بالود..

هجرتني والهجر عجل بأجلي =لو ينطق المعلوق من سبتك صاح
تجري سنين العمر والوقت عجلي =ضاع الرجا في رجعتك والامل راح
صخّرتني بالود يانور نجلي = حتى خفايا الروح لك سدها باح
بثيت لك شوقا لغيرك يخجلي=ماسامره باليل غيرك ولا لاح
وقلبا من غيابك حزينا ووجلي= يكفخ كما طيرا أومي له بملواح
ياليت شوقي ينطفي ثم يجلي=ويجلي معه دمعا على غيبتك فاح
ويرتاح قلبا صادقا مايدجلي = معاد له في غبة الحب مسباح
حظي معك يافلان طايح لرجلي=هف بمهف مقيط يوم الدلي طاح
ماقلتها من شان ترجع لاجلي=مايرجع المقفي على صوت نياح

المشاركة الأصلية كتبت بواسطة محمد حمود العضياني العلم ويش.. هذي من عيون الشعر الشعبي والله ... صح لسانك الف يالراقيه .. برايفت : ما تبيعينها بثلاث قصايد نبط وقصيدتين فصحى ؟