هبت جنـوب وطـاح بـرد المكاتيـب !!

**الفجر البعيد** · آخر تواجد : 08-31-10 [+]

هبت جنـوب وطـاح بـرد المكاتيـب
........................... ويا كثر مـا هـب الجنـوب وذكرتـه
.,

يملا حضوري في حضوره وانا اغيب
........................... وياما غيابـي فـي غيابـه حضرتـه
.,

ان جا مطر صارت له اضلوعي شعيب
........................... وان راح ريحٍ طير اللـي بذرتـه
.,

طال السكوت ومال صمتـي مطاليـب
........................... غير الكـلام اللـي وقـف وانتظرتـه
.,

جنبت لو مالي عـن الدمـع تجنيـب
........................... من وين ما هـج بجروحـي شعرتـه
.,

واصمتي اللي صـار فعيونهـم عيـب
........................... واجرحي اللي لـو فضحنـي سترتـه
.,

لي صاحبٍ يملا كفوفـه تراحيـب
........................... لولا الحيا من ضحكتـه مـا اعتبرتـه
.,

يا صاحبـي ماهـي عليـه مقاضيـب
........................... عذروبي انك ذخـري اللـي ذخرتـه
.,

عذروبـي انـك شوهتـك الاكاذيـب
........................... عذروبي انـك جـاك طيـب ونكرتـه
.,

و ان جيتني بفـراق كثـر العذاريـب
........................... بجيك انا من زود صبـرٍ صبرتـه
.,

للطير جنحانٍ وريـش ومخاليـب
........................... لكـن يضيـع صيدتـه فـي غبرتـه
.,

ومن جزم نفسي يوم صار الردى طيب
........................... حلمـي قبـل لا يكسرونـه كسـرتـه
.,

ومن راح عني قلت يا علـه مصيـب
........................... دورت لـه عـذرٍ كريـم وعـذرتـه
.,

للي يبـي بعـدي انـا مانـي قريـب
........................... هو ماربحنـي وإلا انــا ماخسـرتـه
.,

قلبـي خويـي مالقلـبـي معـازيـب
........................... واللـي حقرني مـن رداه احتقرتـه
.,

رغم الجروح اللـي بقلبـي معاطيـب
........................... حبيـت كفيـن الـزمـان وشكـرتـه

للشـاعــر / سعــد الحـريــص

**سلطان العطاوي** · غير متواجد حالياً

عذروبـي انـك شوهتـك الاكاذيـب
........................... عذروبي انـك جـاك طيـب ونكرتـه
.,

و ان جيتني بفـراق كثـر العذاريـب
........................... بجيك انا من زود صبـرٍ صبرتـه

الله الله

صح لسانه وذوووقك يا فجر
لاعدمتك
تحيتي

**بشاير النادر** · غير متواجد حالياً

واصمتي اللي صـار فعيونهـم عيـب
........................... واجرحي اللي لـو فضحنـي سترتـه
.,

قصيده رائعه تحمل في طياتها كل معاني الجروح والتضحيه .... يسلمووو

**الفجر البعيد** · غير متواجد حالياً

هلا ياسلطان

الذووق تواجدك

تقديري لك

**الفجر البعيد** · غير متواجد حالياً

هلا يابشاير

الأروع منها مروورك .,

تقديري لك .,

**جزاء الشمري** · غير متواجد حالياً

الفجر البعيد
والله رااااااااااااااااااائعة من جد .
يمال العااااااااااااافية

**العنود العتيبي** · غير متواجد حالياً

الفجر البعيد صح السان شاعرها وتسلم يمينك اخيتي

بانتظار جديدك لاهنتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

هبت جنـوب وطـاح بـرد المكاتيـب !!

|| عيون الشعر ~