واقع!!

اليوم ناتج ما مضى والله يدبـر مـا يريـد=وبكره على قد الطموح اللي نمس أعنانهـا
إن كان نملك عزم من فولاذ والهمة حديـد=نبـي نشـرّع فالليال المقبلـة ببيانهـا
ونقول حنّا يازمن حنّا هـل المجـد التليـد=حنّا الحضاره والقيم توزن علـى ميزانهـا
جينا ونور الفجر يمسح ظلمة الليل ويزيـد=نوره بشمس المعرفه لامن حـوت ميدانهـا
بالفكر ماهي بالتمنّـي واندفاعـات البليـد=ومغالطاتٍ مـا عرفنـا اشكالهـا والوانهـا
ودور القلم كالسيف لامن ناحر العظم الصليد=في يد خبيرٍ يسكن الضربه علـى مسكانهـا
ودور القلم كالغيث لامن حلّ في وقت الشديد=عند البدو واللي طواها الجوع وسط اوطانها
وطاحت هموٍم من قلوب اصحابها كانت لبيد=وتباشروبه والضعن سيقت على مرحانهـا
وتبدّلت شهب الفياض وطابقت خضر الجريد=وغنّت حمامه وانعشت راع الهوى بالحانها
ومرّت سنين ولا دهاهم فالزمن شـرٍ مكيـد=وتذكرو وقت السنين الماضيـات وشانهـا
وخرّوا سجودٍ يشكرون الله خـلاق العبيـد=مادامت النعمه على منهو جحد مـا صانهـا
وغيره مفاتيحٍ عظيمـه فعلهـا فعـلٍ أكيـد=تفتح قفل..تنعش أمل..تثري نفوس اقرانها
لاكن وين اللي يبون العلم والراي السديـد=وين الرجال اللي تطـول العاليـه بأذهانهـا
في وقت فيه اليعربي يغرف من الجال الزهيد=وغيره يغوص الغبّه ويشتال من مرجانهـا
المشكله ماهي بحط اطرافنا في وسـط قيـد=المشكله تقييد فكـر أمّـه وفكـر اعيانهـا
هذي حقيه في زمن لاهو قديـم ولا جديـد=يصعب عليّه هضمها.. يصعب علي نكرانها

المشاركة الأصلية كتبت بواسطة احمد خليفه الأسعدي لاكن وين اللي يبون العلم والراي السديـد=وين الرجال اللي تطـول العاليـه بأذهانهـا في وقت فيه اليعربي يغرف من الجال الزهيد=وغيره يغوص الغبّه ويشتال من مرجانهـا المشكله ماهي بحط اطرافنا في وسـط قيـد=المشكله تقييد فكـر أمّـه وفكـر اعيانهـا هذي حقيه في زمن لاهو قديـم ولا جديـد=يصعب عليّه هضمها.. يصعب علي نكرانها