من بلاد الشام

من بلاد الشام جينا بالمكينه = فوق فرت ماتخثع بالطماني
يحتدي مثل الجمل تسمع رطيبنه = مع طمان القاع مثل الثعلباني
والشفير من المدارس مطلعينه = عيدهي يجدعه جدع الحصاني
قذلة الطربوش ناطلها يمينه = عن ظلام الليل شب الكهرباني
ماتجيه يسار رجله شوف عينه = غير يسر الطاركي باليماني
يوم قال إله الخوي عاشت يمينه = شد رجله للكمك واحد وثاني
يالله إنك تنصره من نصر دينه = إن عطى له مع غبار وإلا بياني
قلت يالمطنوخ أنا عيني حزينه = عن شراب اللف أبيه وعنك كاني
قد رمي بالكيس قدمي قال وينه = دوك ما بالجيب عن شيء لهاني
يقصد الكبريت معيه من عينه = قدمنا تلت غراميل متاني
قلت ثالث قال يالله لا تهينه = قلت خامس قير يطلب نقل ثاني
قال واحد والكمك اسمع حنينه = كيف تاترضى عليه بالهواني
قلت واحد والكمك ظام المكينه= قال الي من يرحم القاسي لياني
قلت والله يرحمونه صانعينه = قد زعلت من اللهيب اللي حداني
قال ماتاثق بذمة مقننيه = عن مشاور غير عرفي قد كفاني
قاطع عرقين مدري وين وينه = قد وصلت الأرض واسمع صوت ثاني
يوم يرفع موخره قو المكينه = يرتخي صدره وأنا الشاور غشاني
قلت دوك اللف خابوا شاربينه = غطني عن شوف شيء ماخفاني
قال غن وقلتله بـ أيا لحينه = قال قل ناسي خوي مانساني
قلت عاش الشيخ واللي ناجبينه = عادة الطيب اليا جاء الجد عاني