راكب اللي مخ رجلينه خنازيز وهوا

راكب اللي مخّ رجليه خنازير وهوا =اشهبٍ في مقدمه بارقين وعكس تاج
متر في مترين مستبرم كلّه سوا = حايفه حطّاب ماسمكره راعي الكراج
إن نعشته بالثلاثة مع اللفه عوا =عوي ذيبٍ محتدينه مربّيت النعاج
ثابتٍ ما يختلف كلما لف إنزوا = وارتفع ثم إرتخى مثل طايرة المراج
كن ضرب المرو في الويل قدّام و روا =ضرب هملول البرد وإن تقفّاه العجاج
منوة اللي مشفق لا اهله ولهم نوا =من بعد طول المسافة يبي فلّة حجاج