مالوم عين(ن) تصطفق بعض الاحيان = شافت غرابيل الزمان الغريبه
ياكثر ماشافت وياقل الايمان = بقلوب من بقلوبهم شك وريبه
من سبّته ياميّت القلب ندمان= لعل قلبك للعمى وش تبي به
أنصحك ياللي رشّك الشيب عميان = وادي جهنم حادر(ن) مع شعيبه
يطغيك زود المال والزود نقصان= غادي بسوق السؤ ليه تغدي به
لاتدّعي بالمال رابح وخسران =يفلجك من زين العمل يدّعي به
وافطن لكلمة ويل يوم ٍ للانسان = في موثقف ماينفع المرء جيبه
للشر ميزان وللخير ميزان = تكتب ملائكة السماء وتعدي به
خذ لك نصيحة واحد داج الاكوان = جرب غرابيل الدهر من نصيبه
من جاهد الدنيا بلا رووس جنحان= يصبر لصكّات الزمان الرهيبه
وانا الذي شفت الوزاء ياسليمان =برد الشتاء والقيض اكلني لهيبه
والله يالولا كلمة ٍ قال ديّان = حقي غدى به مانوى انه يجيبه
لأشهر كما يشهر مع الجو شيهان = قطع البحور ولا حياة الغليبه
لجّوا علي الناس قوم ٍ وصدقان = واخترت عنهم بعد مسرى النجيبه
ماهبلك ياللي تلتوي لك بجابان = رجل وهو جابان لاتلتوي به
لاساتر ٍ عرضك ولا قاضي شان= كسب نزولك عقب مبدا الرقيبه
أبعد عن الجابان لو كنت عريان = ثوب ٍ من الجابان لاتكتسي به
يارب تجعل لي من الذنب غفران = يافارج(ن) لايوب مما بلي به
المواضيع المتشابهه
متواجد حالياً
أنا الذي شفت الوزا يا سليمآن
العرض العادي
