آخر تواقيع الهجوس المناديب..!!

أهدم الدرب المؤدي إلى الحيد المهيل=دام لك في كل ميقاف قدره واحتمال
عقّب الحلم الموقر معا الصبر الجميل=أنت وافي بس الأقدار ما تعطي مجال
كل صبح يفج له في الظهور أنحور ليل = هكذا هقوات الأيام وأعلوم الرجال
تارد الهيب الضوامي على البحر الخليل= من سطر كسابة الطيب رافين الخمال
ساقة القوم وعقيد المواقف والدليل = شيخ ما قارنت بأسمه عمام ولا خوال
شيخي اللي كل ما جيت أدور له بديل = ضاق بي صدر الشمالي على كبر الشمال

يا ليل يا ليل الشقآ والبهاذيل = خيل على هاجوس الأفكار خيّل
شكرك على بيض الليال المقابيل = وشكرك على راع العقال المميّل
السالفه ما عاد تحتاج تأويل = مأوله لأقرب كتابٍ مفيّل
والسالفه ما عاد تحتاج تحليل = ما عاد في جيب الشواوي حليّل
سقها وروج للبدو كذبة أبريل = واطنخ وحذرى في الحكي لا تميل
وليا انتبه لك شارب البن والهيل = قله تراها كلبوها تخيّل
هاذي سوالف ليل يا ساري الليل= يوم أن غيرك لا بدا العلم قيّل

يسمو بي الفكر عن تفكير الأنذال= وأعيش والراس ما جته الإهانه
لعيون عود عشقته قدر وأجلآل = لو كان هذا الزمن ماهو زمانه
أروم الأقذال وأبدي روس الأقذال= وأجر صوتي عليّ الله وأمانه
ما دمت رجال أمثل شخص رجال= أما على شان هالدنيا عشانه

الصبح نوره سطع والشمس تختال = وأحلآم الأيام ضاعت كلبوها
يا ليتني فالدروب الخرس رحال = وأخاوي الريح لو مانيب اخوها

يا سيّدي وأوضاعنا حرب وأجهاد = مره أطلاب ومرتين نتشابك
زادت مطالبنا ومعها الغلا زاد = والشوك ما تلحق عليه المشابك
رحنا ضحية ضحك بأفواه الأولاد = كورة هدف بين الصوامع وسابك

الأمر لله والدعوى مخاييل صيف = تبرق وترعد ويصفى الجو مهما حصل
ما فيه داعي نسويها معزب وضيف = والسيف ما يضرب لحاله بليا نصل
قصة مباراه واحداث الزمان السخيف = واللي حدث في مباراة النصر والوصل
تبرمجت وأصبحت قدام عين الكفيف = تكبر ولو مالبوها فالبدايات أصل
الله أكبر على احداث الزمان المخيف = واللي وصل واللي امسى باقي ٍ ما وصل