لعيون اهل الرهايف ..

مدري ورى الليله تقول اتعس انسان= من ضيقتي ساعات ليلي طويله
من كثر مافيني من جروح واحزان= محتاج ابشكي بس من آشتكيله
معاد باقي لي من الناس خلان=راحو مع ظروف الزمان البخيله
قفّو وخلوني نهار الدهر شان=و اقفو بباقي الذكريات الجميله
ياليل انا مانيب محتاج كتمان= في حاجة انسان ٍ وفيّ ينحكيله
ياليل ياليتك معك قلب ولسان= و اعلّمك باللي حصل من رحيله
من قلب حبيته على طول الازمان= حب ٍ صواديف الدهر ماتزيله
كم كنت احبه حب واللحين شفقان= لمواصله لوّ انّ روحي عليله
ودي بقربه مشفق ٍ له وولهان= ما دام باقي لي من العمر ليله
ياليل راح العمر لوعه وحرمان= كنّ السعاده حاجة ٍ مستحيله
ما ودي اقض العمر ياليل ندمان= بس السنين اللي تحطه تشيله