من هو بندر بن سرور ؟

بندر الأسطورة :
شاعر مميز .. و شاعر فريد .. قل أن تشهد أرض الجزيرة مثله...
الموضوع طويل نبدى بهذه النبذه عنه .........
ليش أسطوري ؟
لأنه في الواقع ، ملأ الدنيا و شغل الناس . و اختلف الناس حوله اختلافا كبيرا . و تناقلوا عنه الروايات الكثيرة، فيما يتعلق بموته و حياته و ميلاده و حياته و دراسته و تعليمه.
فلكل شخص رواية، و لكل شخص عنه انطباع.
مابي أطوّل عليكم، لأني مهما تكلمت عن بندر فلن أوفيه حقه، بل سأترك شعره يتكلم نيابة عنه.
فمن هو بندر بن سرور؟
هو بندر بن سرور بن خضير القسامي العطاوي العتيبي.
من مواليد القرارة أحدى توابع منطقة الدوادمي
ولد في عام 1360هـ تقريبا في سنة عرفت بربيع ربلان
نترك بندر يصف نفسه بنفسه . يقول :

ماني وانا بندر براعٍ ولد راع =انا الحصان اللي طوالٍ حباله
إبن سلايل خير من شالت القاع= المصطفى الهادي وديع الرسالة

ماني وانا بندر ببيّاع دمه =يقطعك يا بياع دمه و مهفيه
اللي يبيّع لابسات الأزمه =ثورن يبي بيض العماهيج تغنيه

ماني وانا بندر بهيسن ولد هيس =هيسٍ يدنع عند حرمة قصيره
ليا بغيت اجلس ترى لي مجاليس = وليا بغيت انهج دروبي عسيرة

ماني وانا بندر بهيتٍ ولد هيت =هيت مقابل خمّةٍ يكرهونه
من كثر ما جرّبت وأقبلت و أقفيت = قولة هلا من لا يودّك مهونة

ماني وانا بندر على درب الأنجاس =اللي قريبٍ تفلها من لحاها
أنا بدرب الصيرمي عدم الأجناس =زيزوم روق ليا تنصّت عداها

ماني وانا بندر بنصّاي جابان = شوخ الجموش مناقرين الحليلة
ليا صار لي لازم نصيت ابو فيحان=شيخ الشيوخ مكمّلين الجميلة

انتقل بندر للعيش مع أمه و زوجها في رواية، و جلس عند عمه اخو ابوه في رواية اخرى, ولكنها-على كل حال- حياة افتقدت لحنان الاب و احتوت على ما تحتوي عليه حياة البادية عادة من قسوة و ترحال خلف الماء و الكلأ. لكن هذا لم يمنع بندر من قول الشعر , و لم يمنع الموهبة الشعرية من التفجر ابداعا على شفاه هذا الاسطورة:

صوتي وانا بندر طويل ليا بان = إن ما خشيت الرب ويش اختشي له
ما ينرمي قولن على غير نيشان= و من لا يثبّت حجته ويش هي له

و قد أثرت هذه المرحلة العملية على حياة بندر بن سرور الشاعر , و بندر بن سرور الإنسان. استفاد من احتكاكه بالاجانب هناك و عرف شوي انقليزي , و لعلنا سنلاحظ بعض الكلمات الاجنبية في شعره , و حتى بعض الكلمات المستخدمة في الكويت, و سنشير لها في موضعها.
يقول بندر في قصيدة لأحد دائنيه :

الدين واجد و الوظايف تعيسة = و العسكرية خلت الراس شايب

أنا الذي ما ابدي على الناس سرّي= من خوف سودان الوجيه تحكي به
أصبر على ظيم الدهر و التعرّي = من شان من يرضى عليّ الغليبة
و ابعد مجالي عن عيال التزرّي =من لا هوى قلبي دواه المغيبة
واخاف لي من مجلسٍ ما يذرّي = في جانبه بومٍ حساسه صليبه
و سوالفٍ مابين بحث و تحرّي= يجرح فؤادي عيّه و ابتلي به

متفاوتة بين المدح و الفخر و النصح و الدعاء و الغزل . مثل ما مر معنا في أول الابيات, جملة " ماني و انا بندر " تكررت في ست قصايد , و مثلها العديد من القصايد و المقاطع اللي نبي نعرض لبعضها بإختصار.
مقطع " الله من عين " تكرر في بداية ثلاث قصايد :

الله من عينٍ ليا عسعس الليل = عافت لذيذ النوم ما تهتني به
يا وين انا القى من يحب التعاليل=يبدى بزين القول والا ابتدي به

الله من عينٍ تزايد صلفها=بيّن كداها بالعروق الصخيفة
كم واحد له حاجة ما صرفها = يصد عن صرّافها لا يظيفه

الله من عينٍ طرقها صواديف=عميت و يبسن العروق الصخافي
شفت الوزا بالعين من عرض ما شيف =شفته و غيري ما فطن له و شافي

يا مل قلبن كل ما مات همه =دارت دواليب الدهر لين تحييه
فرّاق شمل الناس عيّا يلمه= وقتن يشيب الراس من شاية فيه

يا مل قلبن تلّه الود تلّي=تل الرشا من فوق ملحا جلاله
في غربها تسعين فري و مشلّي= تجفل ليا سمعت ظريس المحالة
من واحدن طرق عليّه يهلّي =لحق بواقِ القلب مع ما جرى له

أنا اللذي شفت الوزا ياسماعيل = طاوعت نفسي لين شفت الغليبة
النفس طير و الخطايا محابيل = و الناس روّاي الحديث تحكي به

وانا الذي شفت الوزا يا سليمان=برد الشتا و القيظ اكلني لهيبه
مانيب اهين النفس لو كنت جيعان=ما يدنع الا الكلب عقب انزي به

يقول بندر في سهيف الذرعان متغزلا و واصفا فرته :

يا سهيف الذرعان انا منك مخطور =مثلي و مثل اللي غدى له بديرة
فرتن مخيف و حدّه الحمل و الجور= زاع أسود الما لين ولع انبيره

يا سهيف الذرعان زين الدلالي=قلبي تغير ما سمعتي صريره
صرير فرخٍ حده اقطم كحالي = طقه مقافي ريش و اخلف مطيره

يا سهيف الذرعان ويلك من العار = حتى أيش لو لعنت ماني بملعون
يستاهل اللعنات ثارٍ ولد ثار =اللي ليا جا باخر الوقت ممهون

يا سهيّف الذرعان مافي وسواس = لي حاجة بالعرش و أسعى وراها
اسجد لقادرها على غفلة الناس =أساله الجنة و نكمل عطاها

يا سهيّف الذرعان مانيب مرجوج = رجتني الايام غدرٍ و حيلة
يا بنت لولا الذي على تاسع الفوج= لكب نجد و عزوة بالقبيلة

يا سهيّف الذرعان لو قلت لا باس =مانيب من يجري الخبيث بوريده
كم فرجةٍ من خوفها الراي ينحاس =على عيال البوم عسرٍ مديده